Rihanna: Jam dashuruar marrëzisht në Josh Hartnettin!

Këngëtarja seksipile nga Barbadosi nuk është njëra prej atyre yjeve që nuk flasin për dashuritë dhe shtatzënitë e tyre, dhe kështu tu lejojë gazetarëve që kur të shkruajnë artikuj rreth saj të përdorin imagjinatën. E pyetur nëse është duke kaluar kohë bashkë me aktorin Josh Hartnett, përgjigjet sinqerisht: "Do të ju gënjeja po t’ju thosha se jemi vetëm miq".
"Ai është shumë tërheqës dhe i ëmbël, i sjellshëm ndaj meje dhe kavalier i vërtetë. Kur jemi bashkë, ndjej se kjo është gjëja e duhur, edhe pse është një situatë e re në të cilën unë gjendem", ka pranuar Rihanna dhe kështu i ka dhënë fund thashethemeve të cilat kohëve të fundit kishin filluar të qarkullojnë për të.

Rihanna, 19-vjeçare, ka takuar aktorin dhjetë vjet më të vjetër, yllin e filmit "Pearl Harbour", në një premierë filmi, dhe pas disa muajsh kanë filluar të shihen sërish bashkë. Edhe pse që atëherë shkruhej shumë për dashurinë e mundshme në mes tyre, vetëm tani ajo ka pranuar se Hartnett i ka rrëmbyer zemrën.